പെൻഷൻ ഫണ്ടുകൾ സോവറിൻ വേൽത് ഫണ്ടുകൾ തുടങ്ങിയവയ്ക്ക് പ്രത്യേക പരിഗണന നൽകി വിദേശ നിക്ഷേപം വൻതോതിൽ വർധിപ്പിക്കാൻ പദ്ധതിയിട്ട് കേന്ദ്രസർക്കാർ. ഒരു ഇടപാടിൽ മൂവായിരം കോടി രൂപ എങ്കിലും നിക്ഷേപിക്കാൻ സാധ്യതയുള്ള കമ്പനികളെ ലക്ഷ്യംവെച്ചാണ് പദ്ധതിക്ക് തുടക്കമിടുന്നത്.
അതിവേഗം നിക്ഷേപം സാധ്യമാക്കാൻ ഏകജാലകം പദ്ധതി തുടങ്ങും. 2021 ബജറ്റിൽ ഇതുസംബന്ധിച്ച് പ്രഖ്യാപനമുണ്ടായേക്കും. തീർപ്പുകല്പിക്കാത്ത നിക്ഷേപ പദ്ധതികൾക്ക് അംഗീകാരം നൽകുന്നതിനും പ്രതേക സംവിധാനം പ്രവർത്തിക്കും. വൻകിട നിക്ഷേപത്തിൽ വൻതോതിൽ വർധന പ്രതീക്ഷിച്ചാണ് പദ്ധതിയുടെ വിഭാവനം.
പെൻഷൻ ഫണ്ടുകൾ ഉൾപ്പെടെയുള്ള പല ഫണ്ടുകൾക്കും പ്രത്യേക പരിഗണന നൽക്കുന്നതാണ്. കൊറോണക്കാലത്ത് തകർന്ന വിപണിയെ തിരികെ കൊണ്ടുവരാൻ ഈ പദ്ധതിയിലൂടെ സാധിക്കും.